قصيدة اليبرق بالحلبي

من طرف **وليد النني** الجمعة ديسمبر 24, 2010 5:06 am

يبرق مع العصاعيص يا حبي
تحتك دهن شرحــــات متخبي

والتوم نيفا انسـاب واتسوسح
والريحة آاخ , ولي على قلبي

والزفرة عمتلمع على خــدودك
أي أبوس روحك قولــة الحلبي

والمرقة عمتنضح بحامضهــا
وعم ينقف الهبّال على عصبي

وكم يبرقاية اتفزرّت واتسقسقت
وانبحتت الرزات على دربــــي

يا يبرق الأحرار كرمــــالـك أنا
بفخر بكوني مواطنٌ عربــــــي

جاية عبالي قول: أنـــــا بحبك
بكل اللغات الشرقي والغربي

يلله استوي وحققلي أحلامي
قد ساف قلبي في لظى اللهبِ

لقد استوى يافرحتي وسـعدي
ياعمري يا أنسي وَ يـاطربي

هاتـــوا الخبز والطنـجرة كلهــــا
وبعدولي مــــــــا بدي حدا جنبي

لا خيِّ لا أختي لا جدي لا ســـــتي
لا عمي لا عمتي لك لا أمي لا أبي

عم أمضغ العصعوص واليبرق سوا
شو هالنعيم هــــادا يــــاربـــي

اذا رحـــت فيهــــا بـــــعـــد هالأكلة
ذنبك يا أمي هادا ......... مو ذنبي

من طرف **فارسة الأمل** الجمعة ديسمبر 24, 2010 5:50 am

ههههه
والله قصيدة ولا أروع
بتموت من الجوع
وبتخليك تقوم تساوي يبرق غصب عنك
مشكور على القصيدة اللذيذة
تقبل مروري

من طرف **سيمانور** الجمعة ديسمبر 24, 2010 5:51 am

اي يمو على الله
ابوس روحك انت وهل اليبرق
شي بيشهي

ولافينو متل القلم بكره بدي اعمل يبرق وحياتك وليد
معاد فيني اشتهيت عليه رح ابعت على سيده البحر تساعدني فيه lol!