البنت السورية ............. ممكن يكون هيك برئيكم

من طرف **سيدة البحر** الإثنين ديسمبر 06, 2010 4:24 am

اولا:
اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.
2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.
3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.

ثانياً- مسنجرياً:
1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو.
( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.
2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..
3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.
4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

ثالثا: في الشارع:
1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.
2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. صانصيلك.
3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شراية ماركات و لفتت نظرها قطعة ما بتتفوت
رابعا: في المحلات التجارية:
1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....
2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.
3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها

البنت السورية ............. ممكن يكون هيك برئيكم Aqua176x220

من طرف **سيمانور** الإثنين ديسمبر 06, 2010 4:37 am

ههههههههههه
ولك يبعتلك الهنا يا هاله شو عم يطلع معك
في بنات مادبات مابيطلع منن غير كل الحب والاحترام
ليش بتحكي بشكل جماعي
اي مو كل اصابع ايديكي سوا
اي يمو في بنات خجولات مابيحكو الاالكلام المتوازن
هو مابيخلى الامر من هيك بنات لي ذكرتيون
بس بئول مافي احلى من صراحه
يعني الواحد يكون طبيعي جداا
وئد مالف ودار رح يبين التصنع اما اثناء الكتابه
او اثناء الكلام

البنت السورية ............. ممكن يكون هيك برئيكم Get-12-2010-almlf_com_r92ys2cl

بس مافي احلى من البنات السوريين

البنت السورية ............. ممكن يكون هيك برئيكم Get-12-2010-almlf_com_orvuqs59

والله شغلة
يعني محقة إذا مو 100 % بيكون 99 %
أي الله يهديهون ويهدينا يارب
مشكورة كتير على طرحك المميز
تحياتي لك
فارسة الأمل

مشكورة سيدة البحر
و الله كلامك مظبوط مية بالمية
و انا بأيدك
مع اني كنت أكره جنس حوا كتير و معروف
بلقبي (عدو الأنوثة)
بس تغيرت نظرتي من فترة
لأني وقعت بالحب
و الله البنات السوريات ما
في منن بالعالم كلو
و سيدة البحر نصيحة
لا تقربي صوب البنات
مو من شان شي
بس من شان ما يصير عليكي أنقلاب
سألي مجرب و لا تسألي حكيم

من طرف **رونزا** الثلاثاء ديسمبر 07, 2010 4:32 am

معقولة السوريات هيك
طيب بالله شوفيلي الفلسطينية شو بيطلع منا؟
ههههههههههه
يسلمولي يا قمر
والله يعينك عالانقلاب عقولة وليد
لك حبي واحترامي

من طرف **احمد** الثلاثاء ديسمبر 07, 2010 4:51 am

ههههههههههههه
.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور
يحرق حريشك من وين جايبه هالحكي
و الله طقيت من الضحك ياهالة
يسلمووووووو
فعلا حلو كتير
تحياتي الك
....

من طرف **مامون** الثلاثاء ديسمبر 07, 2010 4:01 pm

سيدتي الغاليية شكرا لكي لما تبدعين
ديري بالك من البنات لانن انزعجو هلا
والله البنت الخلوقة الطيوبة اي كانت ستكون وسيتبقى كما كانت جميلة باخلاقها وقلبها الصادق وروحها الحلوة .

من طرف **حاتم السوري** الخميس ديسمبر 09, 2010 8:01 am

كل يلي ذكــــــــرتيه هو واقع
ولـــــــــــــــــــكن
هل يستطيع أحد أن ينكر أن الفتاة السورية جميلة جداً
بدلعها
وخفة دمها
وأنوثتها الجذابــــــــــة
بـــــــــس
لولا هالتســــــــــــعين عـــلة
يلي فيها
هههههههههههههههههههههههههه
pale

من طرف **سيدة البحر** الخميس ديسمبر 09, 2010 8:33 pm

البنت السورية ............. ممكن يكون هيك برئيكم Image001_4_

تشكرو لردودكم بس حبيت اجص نبض البنات هههههههههه
تحياتي الكم يا اروع الاصدقاء
سيدة البحر

البنت السورية ............. ممكن يكون هيك برئيكم

البنت السورية ............. ممكن يكون هيك برئيكم

رد: البنت السورية ............. ممكن يكون هيك برئيكم

رد: البنت السورية ............. ممكن يكون هيك برئيكم

رد: البنت السورية ............. ممكن يكون هيك برئيكم

رد: البنت السورية ............. ممكن يكون هيك برئيكم

رد: البنت السورية ............. ممكن يكون هيك برئيكم

رد: البنت السورية ............. ممكن يكون هيك برئيكم

رد: البنت السورية ............. ممكن يكون هيك برئيكم

رد: البنت السورية ............. ممكن يكون هيك برئيكم