كيف تكون من أكابر الشعب الحلبي
2 مشترك
صفحة 1 من اصل 1
كيف تكون من أكابر الشعب الحلبي
1- طلاع عل الكلية و شوف واحد من الشباب رفقاتك قاعد مع شي بنت و افروووووووووش معلاقك عليه و الزاق بدينو شي ساعة ليجن
2- يوم الخميس نزيل عل الموكامبو و اشروق كل البنات يللي بتشوفن بوشك مو بس تبصبص طالع راسك و اجرك من شباك الهنضاية و صراخ يامو عالله ايش هل حلو لبين ما البنت تقلب معدتا
3- يوم الجمعة الصبح مع وشك بالماظضاية 929 و عل خالدية مشان تجيبو غراض البيت مع الفول مشان تفطر مع العيلة
4- المسا أكيد بدك تستقبل قرايبينك يللي بدن يبلطوا لل 12 بالليل و لما بدن يمشو و يصيرو ببيت الدرج ولول و سمع الحارة انو مييييت السلامة و ما حسبناها و تعوا لعنا و هنن نشالله نشالله و جيبو معكن راماو بتول و مرام
5- السبت عل عزيزية لأنو كتير انت كوووول ووقف مع الشباب شي ساعة بالساحة و ما رح تبين أبدن انك ضرب براني
6- الأحد عل حلاق مشان تظبط شعرك و يسألك شلون القصة ؟ و تقللو متل كل مرة لأنو الله محيي الثابت و قصتك العجيبة ما بتغيرا من لما كنت بالحفوضة
7- التنين لعند جوسي و بس تخلص الوجبة يللي ما بتشبع ولد صيح ياااااااااااي شبعت مشان البنوتات يقولو عليك انك خفيف و ما بتاكل غير أكلات السينييه ( بس أكيد رح تشبع لأنك كنت معبي البانيو مخلوطة و شيرقا )
8- التلاتا ع قهوة القلعة و فت برتيت الورق و لا تترك مسبة ما تقولا يا مأدب و اذا عجزت ألف شي مسبة مشان ما تنقطع القعدة الرومانسية
9- الأربعا ع بوابة الشهباء وقسم مع الشباب و احكيلن ع الأفانطي الجديدة و الفقاس يللي فيا و شلون نيّمت الشبح عطريق الشام و شلون اشتريت بضاعة حقا مليون بس انت حربوق نزلتو للخمسمية و لما بدك تمشي شيل مفتاح السيارة و الموبايل متل مابشيلو الجبسة و قسم ع هل شعب
10- لما بدك تروح ع تلبيسة البيس هل كوسلا و ارقوص عربية و بعدين ع دورة العروس و افتحلا زمامير و شفط بالسيارة مشان البنات يللي معك يحبوك
11- شيل معك ع طول مفتاح البيت و المعمل و السيارة و المكتب و الكاصة و السكرتون و الخزن و مفتاح المطمورة تبع أخوك بكري الصغير
12- بس يصير عمرك 18 بلش تنق بالحجة مشان تفتل بنات حلب كلها مشان تلاقيلك الأميرة ماري أنطوانيت يللي بدا تنبلا فيك ( و أهم شي تكون بيضا وشقرا و عيونا زرق غبية فهيمة مو مشكلة ) و لازم الحجة تضل عم تفتل شي 20 سنة من بيت لبيت لأنو أنت إمبراطور زمانك و لازم تطلع بوحدة بتعقد متلك
شرح المفردات :
الموكامبو : منطقة بحلب مشهورة بمطعم باباي ودوارالموكمبو اللي بشفطو عليه الشباب بالسيارات
عزيزية : منطقة بحلب مشهورة كتير وخاصة ساحة العزيزية وهية مركز لتجمع الشباب و البنات بتفرق عن الموكامبو انو هون مشي و هنيك بالموكامبو اذا نزلت مشي بتصير مسخرة لازم تكون معك سيارةومفيمة حصرا
جوسي : بتحسنو تقولو محل صندويش وعصير مابشبّع بنوب واسعارو واوا كمان قريب عالموكامبو وباباي ، وقت فتح المنطقة كانت ضلمة وماحدا يعدي من هونيك إلا بالمناسبات بس وقت فتح صار خط جديد
كوسلا : الكندرة الرسيمية اللي بكون كعبها قاسي مو مطاط وبطق طق بالمشي
وليد النني- قلب فعال
- رقم العضوية : 16
عدد المساهمات : 141
نقاط : 5529
تاريخ التسجيل : 28/10/2010
العمر : 37
الموقع : سوريا الأسد
المزاج : مروق عالأخر
رد: كيف تكون من أكابر الشعب الحلبي
اشّو هاد لك خااااي ماعمبعرفك مغيرك كفرك عراسي حارتك والله شيييي كتير حلو ابوس شنق وشك
أبوهشام- إدارة القلوب
- رقم العضوية : 3
عدد المساهمات : 462
نقاط : 6847
تاريخ التسجيل : 21/10/2010
العمر : 32
الموقع : حلب ميسلون
المزاج : باااااااااااااااااااااااااااااااااااااااااااااااااااااايخ99999x
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى