نهفات للتسلية

من طرف **jolie loli** الثلاثاء ديسمبر 14, 2010 1:52 am

اربع حماصنة حرابيق طالعين بتكسي شوفيره كمان حمصي, بدّن ياكلوا الاجرة عالشوفير قام اتفقوا انو ينزلوا بسرعة بس توقف السيارة وفعلا وقفت السيارة قام فتحوا الابواب بسرعة واشتغل الركض رجليهم تدق بضهرهم من السرعة وفاتوا ببناية عالعظم وطلعوا اول طابق....تاني طابق....تالت......هيك حتى وصلو لاخر طابق لزقوا بالحيطان ولا حِس ولا نفس,

بعدين واحد منهم لكش اللي جنبو وقال له: يا ترى شو صار بالشوفير؟؟؟

قال له: لك انا الشوفير بس قلي شو القصة؟!

ألقت الشرطة السعودية القبض على مجموعة من الحماصنة في الرياض عندما اكتشفت أنهم يصلون الجمعة يوم الاربعاء

وحدة حمصية ضاعت شنطتها راحت تبلغ الشرطه قالولها ولا يهمك روحي البيت و إحنا بنطلع الشنطة من تحت الارض.

وهي رايحه شافت بالشارع عمال البلدية يحفرو، قالت لهم: شدّوا حيلكم يا شباب، الشنطة لونها بني

مرة واحد وجعه ضرسه قام راح الى طبيب حمصي وقال للدكتور: دخليك يا دكتور هالضرس عذبني كتير شوفلي صرفة معاه، قام الدكتور خلعلوا كل اسنانه عدا الضرس المنخور، صُعق المريض وقال له شو عملت؟

قاله له الدكتور: إيه، خليه مثل الكلب لحاله

مرة الحماصنة جمعوا تبرعات من بعضهم واشتروا قنبلة ليضربوها على حماه، قام الطيار الحمصي طار وضرب القنبلة بنص حمص، قاموا سألوه بعدين، ليش ضربت القنبلة بحمص؟ قال لهم: شو احنا دافعين دم قلبنا عالقنبلة لنضربها بحماه ؟؟!!

مرة الحماصنة سمعوا انو في عاصفة جاي على حمص، قاموا كتبوا لافتة وعلقوها بأول حمص ( درعا ترحب بكم )

واحد حمصي حشاش ركب تكسي و قال للشوفير خدني عالقمر، قام الشوفير ما كذب خبر وكبس فيه على شط البحر وكبوا للحمصي عالشط، لما صحصح اخونا الحمصي ما شاف حدا حواليه الا وحدة متسطحة على بطنها قرب عليها ولكشها، قالتلو دخيلك انا محروقة من الشمس

قال لها: اهلا، انا احمد من الأرض

آخر حـِكـَم الحماصنة

'إذا لم تكن ذئبا ً ....... فأنت حيوان آخر'

ما القاسم الشترك بين الحمصي الزكي و الديناصورات؟

الإثنين انقرضوا

واحد حمصي اشترى تكسي و فرحان فيها كتير،

صاروا العالم يأشرولوا: (تكسي تكسي....؟)...وهو يقول: ( ايه بعرف بعرف....)

واحد حمصي شاف ناس متجمعين، راح يشوف شو في، قام ما قدر يفوت من كتر العجقة، قام شغـّل مخـّه وصرخ بالناس، زيح انت وياه، هاد ابن عمي ابن عمي قامت الناس كلها وسعتلوا الطريق وفات قام لاقى حمار ميـّت

قال ليش ماضل ولا قطة بحماة؟ لأنه الحموية لونو القطط و باعوهم
للحماصنه على
انهم
>>بوكيمون
Very Happy

</BLOCKQUOTE>

من طرف **احمد** الثلاثاء ديسمبر 14, 2010 2:05 am

الاخت الغالية جولي
لكي جزيل الشكر على هذه النكت الجميلة
فعلا نحن نحتاج من وقت لاخر للترويح عن انفسنا
حلوين كتييييير جولي
يسلمو ايديكي
تقبلي مروري

من طرف **rose** الثلاثاء ديسمبر 14, 2010 2:13 am

ههههههههههههههههههههههههه
تحياااااااااتي واحترامي لكل الحماصنة
اللي دمهم عسل
مشكورة عالابتسامة اللطيفة

واللــــــــــــه ضحكتينا من كل قلبنا
مره واحد طرطوسي عم يبيع برتقان على ضهر الحمار وبأواخر موسم البرتقان وهوي عم ينادي

تعا ودعو

تع .... تع

تعا ودعو

تعا ودعو

فإجى حمصي باس الحمار وقلو مع السلامة حبيب الله والنبي معك
Laughing

من طرف **مامون** الثلاثاء ديسمبر 14, 2010 4:43 pm

شكرا لك اخي الغالي لتللك النهفات

مشكورة حبيبتي جولي
نكت حلوة كتير
وين كنتي مخبيتيهن
ما كنتي تحكيلي هنن
و مشكور أخي حاتم
كمان نكتة حلوة و ظريفة
بس جولي حبيبتي
يسلمو ايديكي يا قلبي
مشكورة كتير