شوفوا دكاترة الجامعة شو بيعملوا

كان في دكتورين جامعة قاعدين بيشربوا قهوة ... الأول بيقول للثاني :
- أمس وأنا بصحح أوراق الفحص صار معي موقف غيرب كثير!!!
- خير انشالله ... شو صار معاك
- تصور صححت ورقة فحص طالب أخذ 74 من 100
- أوووف طالب عندك بيآخذ 74 والله غريبة فعلا
- بس أنا ماسكتت على الموضوع طبعا شو عملت ؟
- رجعت صححت الورقة مرة ثانية ... و شددت التصحيح كثير ... نزلت العلامة ل 64 بس
- أووووف ... بعد التشديد وأخذ 64 والله مصيبة
- بس هييييه على مين ... رجعت وصححت مرة ثالثة وشددت كثير كثير ... عصرت العلامات كثير وما نزل تحت ال 52 تصور!!
- طالب عند بياخذ بالفحص 52 مستحيل؟
- أنا كمان ما اقتنعت .. قلت لنفسي أفتح أشوف اسم هالطالب الغبي هذا ...
- ومين طلع هالطالب؟؟؟
- تصور ... طلع سلم التصحيح

*****************
في دكتور في الجامعة قاعد بيحط أسئلة الامتحان ومحتار ... قام طلعله الشيطان وقاله :
- لا تحتار افتح آخر صفحة من الكتاب وحط منها كل ا لأ سئلة ... هيك بينكسروا الطلاب كلهم
- لا والله فالح ... افرض أني في طالب بدأ يدرس من آخر الكتاب بيقوم بيآخذ علامة كاملة عندي!!
- طيب أنا عندي حل ... أفتح أول صفحة من الكتاب وحط منها الأسئلة كلها
- لا والله فالح ... كل الطلاب بتبدأ تدرس من أول الكتاب ... شو الطلاب كلهم يآخذوا علامة كاملة!!
- طيب افتح الكتاب من النص وحط الأسئلة كلها منه
- لا والله فالح ... افرض طالب قاعد مالل وفتح الكتاب من النص وبدا يدرس ... يآخذ علامة كاملة !!
- احترت معاك !!
- أنا جاتني فكرة تعال اسمع ... وش وش وش وش وش وش ....
- الله لا يوجهلك الخير ... لك أنت دكتور ما بتخاف ربك !!!!!!!!