السيد رودين ممكن تعطينا رأيك؟

من طرف **همسات الليالي** الأحد مارس 13, 2011 6:54 am

مساكم/صباحكم عسل
كيفكن

أولا آسفة لأني وجهت النداء للسيد رودين
كلكن بحب تعطوني رأيكن
بس السيد رودين كان محتج على المجتمع الشرقي
وحبيت نناقش مساوئ مجتمعنا ومحاسنو
ونحاول مع بعض نلاقي حلول

مجتمعاتنا سيئة من الناحية العاطفية كتير
يعني على حد قول بعض الشباب علاقات الحب فاشلة ؟
ليش؟؟؟؟؟؟
لأن مجتمعنا شرقي
والمرأة الشرقية مهاانة وراسهاكبير
ومهرهاكتير
الشب الشرقي مسكين ماعم يعرف كيف بدو يجمع المهر ويوفر طلباااات العروس

وأما المتزوج فهوغالبا نقاق وما عاجبته مرتو
بقوم بروح بيتزوج عليها وشوبقول؟؟؟؟؟
الشرع حللي 4
وهيك الناس بين ظالم ومظلوم
وكل هي البلاوي ليش؟؟؟؟؟؟؟؟؟
لأن مجتمعنا مجتمع شرقي

طيب
اسمحولي آخدكن مشوار عالمجتمع الغربي
ونشوف علاقاته الناااااااااجحة!!!!!!!!

ليكو هدول الهن مع بعض سنين وهنن صحااااااب مافي داعي للزواج
لأن الزواج مقبرة (الحب)
وهدول بعد الزواج عايشين بجحيم لاقادرين يطلقوا ولا مبسوطين مع بعض
ليش لأن الحب كان عامي قلبهن عن أخطاء الطرف الآخر
والشك موجود بقلب كل انسان
كذااااااااااااب يلي بقول أنا ما بغاااااااااار أو ما عندو احساس

وهي وصلنا لعند مصح الايدز
بس والله مو متجرأة فوت
لأني بعرف البلاوي الموجودة

طيب خلينا نشوف عائلاتهن
ممكن
العائلة زوج وزوجة
أما الأولاد فمسكين

صار عمره 18 يعني لازم يروح ينضرب على قامتويشتغل ويصرف على حالو شو ان شالله أهلو مجبورين كمان ؟

يكتر خيرن جابوه على هي الدنية!!
والبنت كمان لازم تشتغل وتصرف وتعيش حياتها يعني اذا بنت بكونو خدامين الها؟؟؟
خلص خلونا منهن وتعوا نشوف هديك المرة ليش عم تبكي؟؟؟
والله أنا لومكانها ببكي دم مودموع
يعني فوق ماحملت وتعبت وخلفت وربت بيلحشوها هيك ما بيسألو عنها وكأنها مو امهن؟
وغير هيك ضاربها أبوهن يلي مابعرف هو زوجها ولا؟؟؟؟؟
لك شوفوا ياحراااام انتحرت !!
له له له

يعني مين بيستاهل تتخلى عن حياتها مشانه؟؟

والله يا أصدقائي
هيك المجتمع الغربي

يعني نحن بألف نعمة على هواهن
أنا ماعم زكي مجتمعنا الشرقي
بس كمان أرحم بكتييييييير من مجتمعهن
شوفو كيف المرأةبمجتمعنابتتعامل متل الأميرة
طلباتها أوامر مافي داعي تشتغل وتتعب وتشقى لأن في مين مجبور فيها
أوالشب أهله متكفلين فيه ليخلص دراسة وجيش ويأمن شغل
أنا مابلاقي أروع من منظر العائلة كاملة من الجد لآخر حفيد عالسفرة ههههه
صح في ناس بتشترط شروط تعجيزية على العريس بس مو الكل والحمدلله خفت كتير هي الظاهرة
بقي عنا بعض العادات يلي ممكن الواحد يتركها بالتفاهم ومرة على مرة منخلص منها
وصح في كتير عنوسة بس اذا منرجع لسببها الرئيسي
بكون دلع البنت يلي بتقول مابدي ،بدي.....
سمعت مقولة واقعية عن هي الحالة مابعرف بتضحك ولا بتبكي :
ذا تقدم رجل لامرأة ليخطبها وكانت في العشرين من عمرها سألت في هدوء: كيف هو ؟......وإذا كانت في الثلاثين تساءلت باهتمام : من هو ؟.... أما إذا كانت في الأربعين فإنها تصرخ :أين هو

وفعلا بتكون جنت على نفسها براقش

أنا هلأبدي منكن حلول
لطلبات البنت الكتيرة
وغلاء المهور
وانتشار الخيانة الزوجية

وهلأ بكفوا هدول

أنا من جهتي قررت أعمل حصالة لابني يجمع فيها من هلأ مصاريف زواجه بالمستقبل
ومن جهة بنتي بأكدلكن اني مو رح اطلب طلبات تعجيزية
وبكفيني انو يكون رجال ويحافظ على بنتي ويكرمها

وفي النهاية أعجبتني مقولة كثييرا

(المرأة بلا فضيلة... كالوردة بلا رائحة
والرجل بلا فضيلة لا يختلف عن البهيمة )!!

انتو شو رأيكن؟؟؟؟؟؟؟؟؟؟؟؟

وتقبلوا تحيات
طوق الياسمين

من طرف **Rudin** الأحد مارس 13, 2011 7:31 am

يسرني ان اكون اول من يعلق على موضوعك طالما مستنجده برئيي أولا

وبالنسبة للمجتمع الشرقي و الغربي
فكل مجتمع له سلبياته وله ايجابياته ايضا... يعني ما منحسن نقول المجتمع الشرقي صح او لا المجتمع الغربي

اكيد بكل مجتمع في شغلات منيحة و شغلات سيئة

يعني الامر ما بين وبين

بس لازم نحترم عاداتنا ونحترم عادات الغير كمان نحنا بشر وهم بشر مثلنا ما منختلف عن بعض غير بالعادات و التقاليد و الحضارة

ومشان موضوع الزواج
فكل بنت وطريقة تفكيرها
وكل شب ومصلحتو

كما يقول المثل الشائع في حارتنا الشعبية
( كل واحد أدرى بمصلحتو )

البنت البترسم مستقبلها مع شب خلوق طموح محترم فهاد لابد انو تكون حياتها استقرار و اتفاق

اما البنت العنيدة يلي مو عاجبها العجب ولا صيام رجب
فهي مشكلتا يفضل بمثل هالحالة تروح لطبيب نفسي
بعدين تقعد تتشرط على العرسان...

واخيرا
ـــــــــــــــــــــ
اختي طوق بشكرك كتير على تسليطك الضوء على هذه المسئلة التي يجب ان تأخذ بعين الاعتبار
و البحث في تفاصيلها

وعمل كتير حلو انك تعملي لأبنك حصالة تجمعيلو فيا شوية مصرات ليتنفع منها بس يكبر انا برئيي بتلزمو بالجيش اكتر

وشكرا
مع فائق احترامي

من طرف **همسات الليالي** الأحد مارس 13, 2011 1:27 pm

تحياتي الك سيد رودين
وشكرا كتير على تلبيتك للدعوة
بس مو كأنك سكرت باب النقاش بالمثل الشائع بحارتك الشعبية؟
اسمحلي قول انو قلبك الحر قلب مزاجي كتيير
وأنا برأيي الواحد لايكتر ولاد أحسن مايقضي كل عمره عم يجمع مصاريف الجيش ولاشو؟؟؟؟؟؟

وشكرا
مع فائق احترامي

من طرف **سيمانور** الثلاثاء مارس 15, 2011 12:47 am

قال صلى الله عليه وسلم"لا فرق بين عربى او اعجمى الا بالتقوى والعمل الصالح"

موضوع في قمة الروعه
فانت لختصي الموضوع بشكل مميز
بس انا حابه نقاش كمان بشكل عام
مقارنة غير عادلة , من الصعب اطلاق حكم مطلق , فا الخير و الشر هنا و هناك و
الامر نسبي , هناك من يقول ان الغرب يتميزون عنا با الامانة في العمل و
الصدق في المواعيد و غيرها من الصفات الحسنة , ولكن عندهم شنائع أخرى تغطي
على هذه الحسنات , فلقد استهانوا بامر الزنا و الشذوذ الجنسي و الربا و و و
. . أذن الامر نسبي .

اما السياسة فربنا تفوقوا علينا بذلك , اما
حقوق الانسان فا اكذوبة و شعارات بالية , فلو تمحص و تدقق في المجتمع
الغربي لوجدت مثلا الفقير بلا حقوق صحية وقد يرمى بشارع لو لم يوجد لديه
ضمان صحي . و التمييز العرقي .

اما حقوق الحيوان نعم لديهم الحيوان في كثير من الامثلة اعز و اكرم من الانسان . و الله المستعان

وا ختم الموضوع واقول من المؤكد الشرق

فالأخلاق الشرقية و العادات الشرقية أفضل من الغرب

أما بالنسبة للسياسة أيضا الشرق أفضل لأن سياسة الغرب تتسم بالعنصرية و الحقد عى ثروات الشرق

و
بالنسبة لحقوق الإنسان و الحيوان لانجدها فى الشرق و السبب هو الغرب الذى
ينتهك حقوق العرب فى فلسطين و العراق و جميع دول الشرق الأوسط

فالغرب أنشأ ثرواته و حضارته من نهب ثروات و حضارات الشرق خلال فترات الإستعمار و حتى الآن

فلايوجد أفضل من الشرق
و لايوجد أقذر من الغرب
تحيياتي الخاصه للحبيبة قلبي طوق الياسمين
وعنجد امتعتينا بموضوعك واعجبني جدا عشان
كتبتيه بلعاميه ياحلوة
واما عن اطفالك ابعث لهم ارق البوسات اطبعيها على خدودهم عوضا عني
وجزاكي الله خير على هذا التفكير الرائع

شكرا لكم ودمتو لنا

لتضيفيوا إشراقة على المنتدى

بإبداعاتكم و مواضيعكم القيمة

لا تحاول أن تعيد حساب الأمس وما خسرت

من طرف **Rudin** الثلاثاء مارس 15, 2011 5:16 am

تم قفل الموضوع
وحذفه

بطلب من صاحبة الموضوع

شكرا لكي سيما من اجل مشاركتك

وشكر لكل من قرأه

الإدارة العامة
Rudin

السيد رودين ممكن تعطينا رأيك؟

السيد رودين ممكن تعطينا رأيك؟

رد: السيد رودين ممكن تعطينا رأيك؟

رد: السيد رودين ممكن تعطينا رأيك؟

رد: السيد رودين ممكن تعطينا رأيك؟

رد: السيد رودين ممكن تعطينا رأيك؟