ترى من جد أنا مسافر

من طرف **همسات الليالي** السبت يوليو 23, 2011 5:23 am

سنين عشتها وياه بالحارة
هو جاري وأنا جاره
ولا يفصل زوايانا..
سوى جداره
ولكنه عديم أحساس
تربينا..تعلمنا..
تجاورنا..وتزاورنا..
ومع هذا عديم أحساس
وفي ليله طرق الباب
طلب مني أزور أخته
وحيت لبيته وشفته
يجهز قصته بسكات
ويسمعني..
أنا مسافر
أنا مسافر
ترى من جد أنا مسافر
وأنا أستشعر الكلمة
وأداري عبرتي بضحكه
وادري باهته الضحكة
وش يعني أنا مسافر
وإذا فعلا نوى يسافر
أنا ما مر في بالي
يسأل كيفها أحوالي
بعد ما قال أنا مسافر
وعزم فعلا يسافر
وهو داري
بأنه شمعة دياري
وحظي المقر ود وأقداري
مر الوقت
ومر الوقت
تعبت أبكي
تعبت أشكي
تعبت أحكي..

ودارت به مسافاته
وغرق بأقصى متاهاته
ومر الوقت..
أخذ مني شباب العمر
وذكرني بهذاك العمر
زمن عاد ..وتلاقينا
بعد ..ما ماتت أمانينا..
رجع يسأل ويستفسر
بعدني أول أحبابك
بعدني صورة بكتابك
بعد هذا الزمن يسأل.؟
غريبة لعبة الأيام!؟
من اللي يسأل الثاني
من اللي يحاسب الجاني
غريبة لعبة الأيام
رسمت أحلامي
ب يدينك
وحققها رجل غيرك
غريبة لعبة الأيام
حشى ما كنت أتصور
أحقق حلمي من دونك
غريبة لعبة الأيام
تشوف الجالس إقبالي
تراه واحد من عيالي
تراه أكبر من أحلامك
ترى عمره من أيامك
وأجمل شي بغيابك
عرفت الحين ..
وش يعني..أنا مسافر؟!
وإذا هـ المرة تسافر..
يكون أهون من عتابك
غريبة لعبة الأيام
عرفت الحين
وش يعني لي
أنا مســافر..؟